MONACHA Vestis

MONACHA Vestis
Graece Μοναχὴ, in Periplo Rubri Maris, Καὶ ὀθόνιον Ι᾿νδικὸν τὸ πλατύτερον, ἡ λεγομένη Μοναχὴ καὶ σαγματογῆναι καὶ περιζώματα καὶ καινάκαι; sigularis est e lino Indico vestis vel tunica, cui σαγματογήνη (lege σαγματοπήνη) opposita. Vocatautem ICtus singulares tunicas, quae in synthesim compositae non essent. Si essent tunicae singulares relictaecum palliolis, ex his tantum eligi posse: per syntheses nempe vestimenta componebant, septenariô ut plurimum numerô constantes. Sic μοναχὴ ὀθόνη contra distinguitur τῇ σαγματοπήνῃ, quâ voce vel lintea notantur, e quibus sagmata et stragula fierent, sive culcitae, ut ex Cadurcensi lino, apud Plinium; vel stragula vestis, a qua μοναχην distinguit, quae ad singulos homines velandos facta esset. An potius σαγματοπήνη linteum, non in vestes singulares ac varias consectum, sed in sarcina corpus ipsum linteae telae sic relictum, quod pluribus vestibus faciendis sufficeret: peciam telae lineae vulgo Galliappellant. Vide Salmas. ad Solin. p. 1170. ubi tandem concludit, per ὀθόνην σαγματοπήνην, vel, uti quoque aliter legi posse contendit, σαγματογίνην, intelligi linteum vulgare, e quo stragula vel stramenta fierent; per μοναχὴν vero ὀθόνην, singulare et eximium linteum, e quo tunicae fieri solitae, etc.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.